MITOLOXÍA ASTURIANA
Dic 8, 2008 porProfesor/a
N’esta nueva páxina del Blog vamos dir espublizando dalgunos trabayos que los neños y neñes faen rellacionaós cola mitoloxía asturiana. Van ser dibuxos so los personaxes mitolóxicos que van conociendo’n clase d’asturiano a partir de llectures ya hestories que-yos voi cuntando, y que faen enantes de ver imaxes o dibuxos d’ellos. Asina dexen esnalar el so maxín y surden de nuevu toos estos personaxes pero vistos colos güeyos de los neños y les neñes del Segundu y Tercer Ciclu de Primaria.
Equí van los personaxes que vimos hasta’l momentu.
EL TRASGU
Ye un duende con gorru que va vistíu de coloráo. Tien un furacu na mano manzorga. Fae munches trastáes a la familia cola que vive. Pa echalu de casa hai que manda-y facer coses imposibles como volver blanca una piel de cabra negra, llenar un cestu paxa d’agua o garrar cola mano manzorga un montón de granos d’arroz.
Xurde Alas Huerta
Tercer cursu de Primaria
EL CUÉLEBRE
El cuélebre ye una culiebra con pates y ales que custodia xanes y tesoros.Ye llargu y tien unes grandes ales y unos dientes afilaos. Cuando son viejos marchen volutariamente pal mar a morrer.
Ángel Iglesias Castro
Sestu cursu de Primaria
LA XANA
Son muyeres guapes, xóvenes, de melena llarga y rubia, y vístense con un vistíu blancu. Viven nes cueves y nes fontes, y veles la xente peñándose con un peñe d’oru al llau del ríu o na entrada de una cueva, cuidando pitinos d’oru y a una vaca buenísima.
Isidoro González Muñiz
Cuartu cursu de Primaria
EL BUSGOSU
El busgosu ye un personaxe mitolóxicu que de cintura p’arriba tien aspeutu d’home y de cintura p’abaxo de cabra. Tamién tien cuernos y rau. Depende de la zona d’Asturies na que viva ye buenu o malu.
LA MANONA
LOS MALINOS
LA GUAXA
