MITOLOXÍA ASTURIANA
Mar 19, 2009 porProfesor/a
N’esta nueva páxina del Blog vamos dir espublizando dalgunos trabayos que los neños y neñes faen rellacionaós cola mitoloxía asturiana. Van ser dibuxos so los personaxes mitolóxicos que van conociendo’n clase d’asturiano a partir de llectures ya hestories que-yos voi cuntando, y que faen enantes de ver imaxes o dibuxos d’ellos. Asina dexen esnalar el so maxín y surden de nuevu toos estos personaxes pero vistos colos güeyos de los neños y les neñes del Segundu y Tercer Ciclu de Primaria.
Equí van los personaxes que vimos hasta’l momentu.
EL TRASGU
Ye una especie d’enanín que va vistíu de coloráo y tien un furacu na mano manzorga. Fae travesures nes cases nes que vive.
Javier Sánchez
Lucía Díaz y Belén Sánchez
EL CUÉLEBRE
Ye una culiebra mui llarga con ales que cuida les cueves de les xanes. Sólo se-y pue matar la nuecha de San Xuan clavándo-y un fierru na garganta.
Dana Lorente
Nadine Carriedo y Laura García
EL BUSGOSU
Ye ún de los montones de personaxes mitolóxicos qu’hai. Ye’l señor de la viesca, naide pue penetrar nos sos dominios. Despista a los cazadores y a los lleñadores pa que se pierdan pa que nun maten los animales nin talen los árboles. Ye un home fuertote con pates de cabra y el pechu peludu. Vístese de verde.
Antonio García
Javier Sánchez y Dana Lorente