LA NAVIDÁ TA LLEGANDO A LA ESCUELA
Dic 11, 2008 by Profesor/a
Cola llegada del mes d’avientu, un añu más, averámonos a Navidá. Na clase d’asturiano del Segundu y Tercer Ciclu tuvimos faciendo esti árbol tan especial.
Manuel Menéndez del Valle, del cuartu cursu de Primaria, va cuntavos cómo lu ficimos:
“Esti árbol ye perorixinal y ficímoslu coles nueses manes, necesitemos estes coses:
1. Ser munchos neños y neñes.
2. Tener pintura deos y un papel llargu y anchu.
La maestra pintómos les manes, manguémosles enriba’l papel, presionando, y d’una n’ una, fuimos formando l’árbol. Una vez acabáu tuvimos que ponelu a secar.
Mientres ficimos esti árbol de Navidá aprendimos que toos somos diferentes y al mesmu tiempu iguales, y que nun importa cómo seyamos. Tamién vimos que si trabayamos toos xuntos podemos facer coses tan guapes como ésta”.
Disfrutái coles semeyes